U TOKU SU VELIKA SNIŽENJA: Važno je da pametno šopingujete

0
1810

 

Nakon početnih sniženja tokom praznika, cijene padaju i preko 70% – vrijeme je za obnovu ormara i pripremu za novu modnu sezonu. Kako ne biste lutali u bespućima nagomilanih polica i vješalica vaših najdražih trgovina, donosimo vam korisne savjete kako da pametno šopingujete.

Svima je poznat scenario – nakon uzbuđenja zbog sniženih cijena, vraćamo se kući, otvaramo kese i zaključujemo da ne samo da smo potrošili i više nego planirano, nego smo i kupili stvari koje nam uistinu nisu potrebne.


Koje su to greške koje najčešće pravimo?

Najveća greška je pomama. Iako nam nešto ne treba, čim vidimo da je svota manja od zamišljene, ili da je nešto skupo dosta sniženo, dobijemo poriv za kupovinom.

Pametnije je pričekati nekoliko nedjelja pa kupiti ono što vam treba, a ako ne nađete te komade, nije dobro posezati za bilo čim, samo da se kupi, kako ne bi izostao zadovoljan osjećaj pri izlasku u trgovine.


Problem takođe predstavljaju brojevi

Svaka žena je barem jednom na sniženju kupila pokoji komad koji je broj manji – odlična motivacija za gubitak kilograma nakon praznika. No, budimo realne, ta motivacija na kraju ostaje da visi u našem ormaru i samo nas redovno podsjeća na uzaludno potrošen novac i kilograme koje vaga i dalje pokazuje. Nekada je bolje ne kupiti ništa, nego dati novac za nepotrebne stvari.

 

OSTAVITE KOMENTAR

Molimo unesite svoj komentar!
Molimo Vas upišite vaše ime ovdje